政府向18歲或以上市民派錢1萬元的「現金發放計劃」，竟然也可引發家庭糾紛！雖然不少市民仍未登記申請，而錢亦未到手，但有父母已向子女「約法三章」，要求上繳「中央」。有學生就指雙親要求上繳8,000元以「孝敬父母」，遂在網上大吐苦水：「點解我有啲咁貪錢嘅屋企人！」
Facebook專頁「名校 Secrets」昨日（22日）刊登一名學生的投稿，該名學生指出，政府派發的1萬元仍未到手，父母已急不及待講明部分款項要上繳「中央」，
「派都未派，我老豆（竇）同阿媽就想食埋我嗰一皮嘢(一萬元)，話咩要孝敬佢哋，至少都要攞8,000蚊出嚟，話咩幫我儲定唔知咩。」
他續指，其實之前已發生過同類事件，之前其3,500元學生津貼亦被父母沒收，令他深感不滿，表示：「之前學生津貼嗰3,500領咗唔畀我都算，而家我嗰一皮嘢又想貪！」他又稱，如果不用「孝敬父母」的話，其實對於該1萬元的用途，自己亦有所盤算，
「其實我淨係想攞筆錢儲起，或到時去旅行。點解我有啲咁貪錢嘅屋企人？」
網民反應兩極：同情遭遇 VS 批評不懂事
網民對於此事反應兩極，有人同情樓主的遭遇，更提出各種「解決」方法，「18歲自己開銀行戶口儲錢，網上登記直入户口搞掂已可」、「每次問你就話『哎呀唔記得申請！今晚搞！』每次都扮唔記得，遲下過咗申請deadline 就話冇申請到」。
不過，亦有網民批評樓主不懂事，「其實你知唔知呢幾個月大家工作環境都好差？」、「其實住屋企食屋企仲唔使畀水電煤，攞少少出嚟幫補吓屋企好難咩？」、「日日供你食住使唔使用錢嘅，仲掛住去旅行，無端端你做過啲咩畀一皮嘢你呀？」、「我自己都分一半畀屋企，佢哋講到明話收入少咗，叫我畀啲幫屋企，咁我咪畀」。
另有網民認為，如果父母與子女好好說明原因，相信子女亦會上繳得心甘情願，「筆錢法律上係你嘅，大個咗有計劃自己決定點用好應該。父母真係有經濟需要就直接開口講。」、「講埋咩孝敬佢哋，搞到仔女覺得父母好貪心咁，孝敬要你開到口就唔係孝敬啦！咪直接講而家環境唔好，希望一齊出一分力儲起啲錢以防不時之需，仔女會明白㗎啦！」
每朝索取《晴報》：精明生活．健康家庭．開心娛樂
責任編輯：李凱晴
June 23, 2020 at 01:10PM
https://ift.tt/3epMzVe
【現金發放計劃．派錢1萬】被要求上繳$8000「孝敬父母」 子女不滿：點解有咁貪錢嘅屋企人- 晴報- 家庭- 熱話 - 晴報 Sky Post
https://ift.tt/2CbUQh4
Bagikan Berita Ini
0 Response to "【現金發放計劃．派錢1萬】被要求上繳$8000「孝敬父母」 子女不滿：點解有咁貪錢嘅屋企人- 晴報- 家庭- 熱話 - 晴報 Sky Post"
Post a Comment